Góðu tit øll,

Síðani nýggja stýrið í Skopunar kommunu kom til í januar 2025, hevur verið arbeitt við nýggja kirkjugarðinum. Undanfarna stýrið setti gongd á arbeiðið síðst í 2024. Eftir hetta er einki arbeiði gjørt á staðnum.

Hóast einki er hent á staðnum, hevur verið arbeitt við málinum. Nú eru vit loksins komin á mál, og arbeiðið uppá nýggja kirkjugarðin byrjar í komandi viku, viku 28.

Tað er Verkfo, ein fyritøka ið veitir verkfrøðiliga ráðgeving, sum hevur teknað okkum nýggja kirkjugarðin. Tað verður Sp/f Finnleif Fagradal, sum kemur at gera arbeiðið.

Tilboðið uppá kirkjugarðin ljóðar uppá kr. 2.555.070,00 kr u/MVG.

Í nýggja kirkjugarðinum verður pláss fyri 182 gravum.

Gongst sum ætla, væntast arbeiðið at verða liðugt seinni í ár, og kirkjugarðurin verður klárur at taka í nýtslu í komandi ári.

Skopunar kommuna