Í Barnagarðinum í Gerðinum er tað kroppur,rørsla, náttúra og áhugin hjá barninum, sum er tað sum vit leggja stóran dent á í okkara arbeiði.
Vit leggja dent á at øll børn sleppa út at spæla og røra seg hvønn dag. Hagi, áir vøtn og nógv annað spennandi eru í nærumhvørvinum hjá barnagarðinum og hetta hava vit stórt gagn av. Vit royna í mestan mun at lata forvitni og áhugan hjá børninum vera tað sum er stýrandi í gerandisdegnum.
Einaferð um vikuna fara vit við bussinum heim í ítróttarhøllina og at svimja.

Á stovninum eru tvær barnagarðsstovur og ein vøggustova. Allar stovurnar rúma 15 børnum hvør.
Til stovnin hoyra eisini frítíðarskúli fyri børn í 1-3 flokki og klubbtilboð sum er fyri børn í 4-5 flokki.
Frítíðarskúlin/klubbtilboð heldur til í skúlanum á Herðuni.

Á Dalinum sum er okkara vøggustova, arbeiða í løtuni ein námsfrøðingur og fýra hjálparfólk.

Í barnagarðsstovuni Lykkjan arbeiða tveir námsfrøðingar og eitt hjálparfólk.

Í barnagarðsstovuni Koytan arbeiða ein námsfrøðingur og tvey hjálparfólk.

Í frítíðarskúlanum og klubbtilboðnum arbeiða 4 starvsfólk.

Vøggustova og barnagarður eru opin frá kl 07.15 til 16.45.
- Aktivitetirnir á stovninum byrja uml kl 09.30. Byrjað verður sum oftast við einum góðum gevandi túri. Um barn tykkara møtir seinni enn 09.30 kunnu tit altíð ringja til stovutelifonina, fyri at vita hvar tey eru stødd, soleiðis at tit kunnu avlevera barnið har tey eru. Men vit ynskja tó, at tit siga frá áðrenn kl 09.30, um barn tykkara møtir seinni.

Frítíðarskúlin og klubbtilboði eru opin frá tí tey fyrstu skúlabørnini fáa frí til kl 16.30.

Í tíðarskeiðinum 24 mars og áleið fara vit at royndarkoyra eina skipan, har børnini ikki hava matpakka við í áleið ein manað. Her fer stovnurin at bjóða breyð, pálegg og okkurt grønt. Um hetta er nakað vit og foreldur verða glað fyri, verður tað nakað vit fara at halda fram við, hetta fer tó eini at innibera, at stovnsgjaldið fer eitt vet upp.

Á stovninum brúka vit Intranet (Intra) Her kunnu foreldur skriva og mótakað boð frá stovninum. Eisini kunnu tit her síggja um barn tykkara er útferð, um tað svevur, hvussu leingið tað hevur sovið, umframt myndir og aðra kunning

Leiðari á stovninum er Conny S. Petersen

Varaleiðari er Joan H. Poulsen

Barnagarðurin í Gerðinum

Tunguvegur 10.
Fo-240 Skopun

Tlf: 361202/216202

Mail: gerdinum1@office.fo

Oyðublað til barnagarð

Oyðublað til frítíðarskúla