Tað grør um gangandi fót, sum orðatakið sigur.

Hetta er serliga galdandi í Skopun í løtuni. Bara hesa síðstu tíðina eru fýra nýggj hús bygd norðuri á Ognini.

Trý eru liðug og tey fjórðu, húsini hjá Hedvig og Hallmar Winther, blivu reist í dag.

Sandoyar Tunnilin hevur víst seg at verið góður fyri okkara bygd! Bara síðan hann lat upp fyri knøppum 15 mánaðum síðani, hava fleiri nýggir borgarar valt, at búseta seg í okkara bygd.

Skopunar Kommuna ynskir øllum vælkomnum og blíðan byr.